रापुली तमु बन्धुहरुको कुल पुजा

लोकनाथ मरासिनी
मंसिर २५,स्याङ्जा ।

    आरुखर्क गाउँ विकास समिति १ गलेम स्याङ्जामा शनिबार रापुली तमु बन्धुहरुको कुल अर्थत सिल्लो पुजा विभिन्न संस्कृतिक कार्यक्रमका साथ सम्पन्न भएको छ ।
 बयोबृद्ध पुजारी केशव तमुद्धारा पुजा अर्चना गरी सम्पन्न भएको पुजामा गाँउ तथा जिल्ला बहिराका समेतको उल्लेख्य उपस्थिति रहेको थियो ।  पुजा व्यवस्थापन समितिका अध्यक्ष दिलबहादुर तमुको अध्यक्षतामा सम्पन्न कार्यक्रमको संचालन हर्कबहादुर तमुले गरेका थिए । पुजाकै अवसरमा शनिबार विभिन्न संस्कृतिक कार्यक्रमहरु तथा खेलकुद प्रतियोगिताहरु समेत सम्पन्न भएका छन् । त्यस्तै गरी सोहि अवसरमा डा मनिषा गुरुङ्द्धारा गाँउलेहरुको निःशुल्क स्वास्थ्य परिक्षण गर्ने कार्य समेत सम्पन्न भएको शितला उच्च माविका शिक्षक यामनारायण लामिछानेले जानकारी दिएका छन् ।