ऐक्यवद्धता निर्माण तालिम सम्पन्न

प्रकाश डोटेल स्याङ्जा–८, पौष

सामुदायिक वन उपभोक्ता महासंघ जिल्ला शाखा स्याङ्जाको आयोजनामा जिल्ला सदरमुकाममा सामुदायिक ऐक्यवद्धता निर्माण तालिम सम्बन्धी दुईदिने गोष्ठी सम्पन्न भएको छ । गोष्ठीमा सामु्दायिक वन उपभोक्ता महासंघ जिल्ला शाखा स्याङ्जा अन्र्तगत जिल्लाका पदाधिकारी, रेन्जपोष्टका पदाधिकारी र सामुदायिक वन उपभोक्ता समुहका प्रतिनिधि गरि २१ जनाको सहभागिता रहेको थियो । सहभागिहरुलाई प्रशिक्षक मिना सुयलले प्रशिक्षण दिएकी थिइन् ।
जिल्ला शाखाका अध्यक्ष चित्रबहादुर कार्कीको अध्यक्षतामा सम्पन्न गोष्ठीमा सामुदायिक वनको ऐतिहासिक विकासक्रम र सामुदायिक वन सम्बन्धी कानुनी व्यवस्थाहरुको बारेमा प्रशिक्षण प्रदान गरिएको सचिव दोबहादुर कार्कीले बताएका छन् ।