भाइरल ज्वारोबाट विद्यालय बन्द

 भदौ ७ स्याङ्जा- स्याङ्जा सिस्रेकोटको एक विद्यालयमा भाइरल ज्वारोबाट प्रभावित हुने विद्यार्थीहरुको संख्या बढदै गएपछि सोमबार १ दिनका लागि विद्यालय बन्द गरीएको छ । सिस्रेकोटका चक्रदेवी निम्न माध्यामिक विद्यालयमा विगत एक हप्तादेखि ज्वारो रुघा खोकि लगायतका बिरामीहरुको सख्या बढदै गएपछि विद्यालय बन्द गर्नुपरेको विद्यालय स्रोतले जानकारी दिएको छ । विद्यालयमा रहेका कुल १३० विद्यार्थीमध्ये ६३ जनामा रोगको लक्षण देखा परेपछि अन्य विद्यार्थीहरुमा समेत रोग नसरोस भनेर विद्यालय बन्दा गरिएको हो ।