डर लाग्दो ढंगले युवाहरु जनता माझ जाने बस्नेतको उदघोष !

लोकनाथ मरासिनी

माघ ८, स्याङ्जा । 
युवा संघ नेपालका केन्द्रिय अध्यक्ष महेश बस्नेतले युवा संघ अब रहर लाग्दो, भर लाग्दो र डर लाग्दो ढंगले जनताको माझमा जाने उदघोष गर्नुभएको छ । युवा संघ नेपाल स्याङ्जाद्धारा आयोजित जिल्ला स्तरीय युवा भेला तथा प्रशिक्षणको अजा स्याङ्जाको वालिङ्मा उदघाटन गर्दै अध्यक्ष बस्नेतले शान्ति र संविधान निर्माणका लागि युवाहरु सशक्त्त ढंगबाट अगाडि बढने बतउनुभएको हो । एकीकृत नेकपा माओवदी अध्यक्ष प्रचण्डले हालै ५ लाख युवाहरु विद्रोहमा उतार्ने भनि गर्नु भएको उदघोषको खण्डन गर्दै बस्नेतले युवाहरु विद्रोहि मात्रै नभई सिर्जनका संवाहक पनि भएको भन्दै युवाहरुलाई बन्दुक नभई सिप सहितको चेतनाले भरिपुर्ण पार्नुपर्नेमा जोड दिनुभयो । एक फरक प्रसंगमा बोल्दै बस्नेतले सेना नभएको पार्टि कम्युनिष्ट हुदैन भन्ने माओवदीले लडाकुलाई किन सेना समायोजन विशेष समिति माताहतमा ल्याएको भन्दै प्रश्न समेत गर्नुभएको थियो । नेकपा एमालेको युवा संगठन युवा संघ समर्थित जिल्लाका करिब ५ सय युवाहरुको सहभागिता रहेको कार्यक्रममा कांग्रेस तथा माओवदी पार्टिबाट विद्रोह गरी एमालेको युवा संघमा प्रवेश गर्ने ३५ जना युवाहरुलाई स्वागत तथा सम्मान समेत गरीएको थियो । कार्यक्रममा कांग्रेसको भातृ संगठन तरुण दल परित्याग गरी स्याङ्जा मल्याङ्कोटका मोहन गिरी, दहथुमका शोभाकान्त अर्याल, बानेथोक देउरालिका धनबहादुर खत्रि लगायत कांग्रेस समर्थित २५ र माओवदी समर्थित १० गरी ३५ जना एमाले समर्थित युवा संघमा प्रवेश गरेको युवा संघ स्याङ्जाले जानकारी दिएको छ ।

वालिङ् महोत्सव को तयारी तिब्र : जागे जिल्ला बासी !

अर्जुन काफ्ले

स्याङ्जा, माघ ७ गते ।
वालिङ उद्योग वाणिज्य संघको आयोजनामा यहि माघ १४ देखि २३ गते सम्म संचालन हुन लागेको तेस्रो वालिङ् महोत्सव २०६७ तथा क्षेत्रिय औधोगिक, कृषि, पर्यटन तथा ब्यापार मेलाको तयारी तिब्र पाारिएको छ ।

      हाम्रो गौरव हाम्रो शान, वालिङ महोत्सव हाम्रो पहिचान भन्ने नाराका साथ स्याङजाको प्रमुख ब्यापारिक केन्द्र वालिङ स्थित खेल मैदानमा हुन लागेको वालिङ महोत्सवको लागि महोत्सव स्थलमा बार लगााउने र स्टल निर्माण कार्यहरु तिब्र रुपमा गरएको छ ।

      महोत्सव स्थलमा ५० प्रतिशत स्टल निर्माण भएका छन् भेने ७० प्रतिशत स्टलहरु बुकिङ भैसकेको महोत्सव प्रचार प्रसार उपसमितिका संयोजक अर्जुन खनालले बताउनुभयो ।

      महोत्सव नजिकिदै जादाँँ वाालिङ्, स्याङ्जा र गल्याङ् क्षेत्रलाई बेहुली झै सिगार्न थालिएको छ । तुल– ब्यानर, ध्वजापतका र भित्ते लेखनले बजारहरुलाई सजिसजाउ बनाइएको छ ।  महोत्सबमा पर्दशनका लागि वालिङ् आसपासका क्षेत्रमा हस्तकला, बासबाट सामाग्री बनाउने कार्यलाई तिब्र पारिएको छ । त्यस्तै महोत्सव स्थलमा प्रदर्शनका लागि स्थानिय महिलाहरुले तान लगाएर धागोबाट आर्कषक सामाग्रीहरु बनाइरहेका छन् ।

      वालिङ  आसपासका क्षेत्रको आर्थिक तथा सामाजिक उत्थान, उद्योग ब्यापार, शिक्षा, स्वास्थ्य, कृर्षि, पर्यटन तथा संस्कृतिको प्रवद्धनको लागि महोत्सवको आयोजना गरिएको वालिङ् उद्योग बाणिज्य संघका अध्यक्ष ले. याम बहादुर गुरुङले बताउनुभयो ।

      महोत्सवमा बाल उद्यान, पर्यटन, कृषि तथा व्यापार मेला, सांस्कृतिक कार्यक्रम स्थानिय भेषभुषाको प्रदर्शनी, अन्तर माध्यामिक विद्यालयस्तरीय नृत्य, दोहोरीगीत प्रतियोगिता, राष्ट्रिय लोकदोहोरि, आधुनिक,  तथा हास्य कलाकार मुख्य आकर्षण रहेका छन् ।

      पश्चिमाञ्चल क्षेत्रमै बिगतका बर्षहरुमा भएका महोत्सबको तुलनामा वालिङ् महोत्सव पृथक ढगले आयोजना गरिएको प्रचाार प्रसाार उप समितिका संयोजक खनालले बताउनुभयो । उहाँले कृषि मेला अन्तर्गत सुन्तला, कफी, ताजा तरकारी, अदुवा तथा जडिबुटीको प्रदर्शनी गरिने बताउनुभयो ।

       महोत्सबमा जिल्ला भित्रका ऐतिहासिक धार्मीक तथा पर्यटकिय स्थल महोत्सब स्थल भित्रै अवलोकन गराउने योजना आयोजकले बताएको छ भने लोप हुदै गएका कुडुले घर, ठेकी, खुर्पेटो, मदानी, हसिया लयातका पुराना सरसामाग्रीहरु महोत्सवबका महत्वपुर्ण आर्कषणका सामाग्री बन्ने आयोजकले अनुमान गरेको छ ।

      नेपाल पर्यटन बोर्डको प्रवद्र्धनमा गरिन लागेको तेस्रो वालिङ् महोत्सब तथा क्षेत्रिय ब्यापार मेलाको जिल्ला विकास समिति र वालिङ् नगर पालिकाको सहयोग रहेको छ ।

        एक सय ६० स्टल रहने महोत्सवमा स्याङ्जा, पर्वत, पाल्पा, कास्कि लगायतका जिल्लाका ३ लाख दर्शकले अवलोकन गर्ने अनुमान गरिएको  छ । महोत्सव अवधिमा पाँच करोड बराबरको आर्थिक कारोवार हुने आयोजकले अनुमान गरेको छ ।

कारागारकी बालिकालाई कपडा र पौष्टीक आहार

लोकनाथ मरासिनी

माघ ७, स्याङ्जा ।

 

      बहुविवाहको आरोपमा कारागारमा बाबु–आमासंग रहेकी साढे ४ महिनाको बालिका राधा नेपालीको संरक्षणका लागि जिल्ला बालकल्याण समिति, स्याङ्गजाले जाडोको कपडा र पौष्टिक आहार उपलव्ध गराएको छ ।

      बानेथोक देउराली गाविस–२ स्थायी घर भएका बाबु नरबहादुर नेपालीले र आमा निसा नेपाली सहित साढे ४ महिनाकी छोरी माघ ५ बाट जिल्ला कारागार रहदै आएका हुन् ।

        बहु–विवाह गरेको आधारमा अदालतले उनिहरुलाई १८ महिना कैद र जनही १० हजारका दर जरिवानाको सजाय गरेको छ ।

      सुत्केरी भई कारागार आएका महिला र बालिकाको संरक्षणमा कुनै सहयोगको व्यवस्था नभएकोले जिल्ला बालकल्याण समिति स्याङ्गजाले कारागारमा रहेका बालिकाको संरक्षणका लागि शुक्रबार एक कार्यक्रमका बिच दुई हजार बरावरको जाडोका कपडा र पौष्टिक आहार उपलव्ध गराएको हो ।

      बालिकाकी आमालाई कपडा तथा पौष्टीक आहार प्रदान गर्दै निमिक्त प्रमुख जिल्ला अधिकारी तथा जिल्ला बालकल्याण समितिका अध्यक्ष नवराज बरालले बालिका र आमाको संरक्षणका लागि जिल्ला बालकल्याण समितिले सक्दो सहयोग गर्ने बताउनुभयो ।

            बुबा–आमा दुवै जना जिल्ला कारागारका रहेपछि उनीहरुको २२ महिनाको छोरा प्रकास नेपाली र ६ वर्षकी छोरी सरिता नेपालीको संरक्षणमा समेत समस्या परेको छ ।

संविधान सभाको परिणमनै गलत भएको नेता अधिकारीको भनाई

लोकनाथ मरासिनी

माघ ७, स्याङ्जा ।

संविधान सभाले दिएको परिणम नै गलत भएकाले देशमा अहिले असहज अवस्था आएको नेकपा एमाले पोलिटव्युरो बैकल्पिक सदस्य खगराज अधिकारीले बताउनुभएको छ ।

      संविधानसभाको निर्वाचनमा अग्रगमन पक्षियहरु गणितिय रुपमा पछाडि पर्नु र उग्रबामपन्थी तथा यथास्तीतिबादीहरु अगाडि जानुनै अहिलेको अन्यौलग्रस्त अवस्थाको प्रमुख कारण भएको अधिकारीको दावि थियो ।

      नेकपा एमाले स्याङ्जाको प्रतिनिधि परिषदको बैठक उदघाटन सत्रलाई आज स्याङ्जामा सम्बोधन गर्दै नेता अधिकारीले देशको अग्रगमनकारी शत्ति नेकपा एमालेनै भएको जिकीर गर्नुभयो ।

       उग्रबामपन्थीहरु जसले बन्दुकबाट सक्ता कब्जा गर्न खोज्थे र जुन यथास्तीतिबादीहरु राष्ट्रमा कुनै परिवर्तन चाहदैनथे उनिहरुको हार जनआन्दोल ६२÷६३ मा भैसकेको भन्दै दोस्रो जनआन्दोलन दुबै पक्षले अपनाएको बाटो असफल भै अग्रगमन पक्षधरहरुको जित हो भन्नुभएको छ ।

       संविधानसभाको सकिएको म्याद थप्नमा समेत एमालेको मुख्य भुमिका रहेको भन्दै माओवदी र कांग्रेस दुबैले संविधानसभा नचाहेको आरोप लगाउनुभयो ।

      स्याङ्जाको बालमन्दीर हलमा भएको भेलालाई सम्बोधन गर्दै नेता अधिकारीले पार्टि भित्र केहि गुटबन्दी भएपनि तल्लो तहबाटनै गुटबन्दीका आधारहरु तय हुनु दुःखद भएको बताउनुभयो ।

       नेतृत्वमा रहेका नेताहरुलाई उचित बाटो देखाउनुपर्नेमा आफै जिल्लास्तरमा गुटबन्दी गर्न तर्फ लागेको भन्दै जिल्लास्तरीय नेतृत्वको अलोचना गर्नुभएका अधिकारीले हिजो अध्यक्ष खनालमाथि भएको दुव्यवाहरप्रति पनि खेद प्रकट गर्नुभएको थियो ।

      पछिल्लो समयमा देशमा विभिन्न जातजाजिको नाममा संगठनहरु खोल्ने कार्य पनि विकृतिका रुपमा अगाडि बढदै गरेको बताउदै अधिकारीले सचेत हुन आग्रह गर्नुभएको थियो ।

      नेकपा एमालेको सम्पन्न आठौ महाधिवेशनपश्चातको पहिलो प्रतिनिधि परिषदको बैठक उदघाटन सत्रमा नेकपा एमाले केन्द्रिय कमिटि सदस्य तुलबहादुर गुरुङ, सल्लाहाकार परिषद सदस्य प्रेमनारायण पौडेल, टेकु नेपाली, केन्द्रिय कमिटि बैकल्पीक सदस्य चुडामडि जङ्गली, नेकपा एमाले स्याङ्जा क्षेत्र नं. १ का राष्ट्रिय प्रतिनिधि परिषद सदस्य नारायणप्रसाद मरासिनी, क्षेत्र नं. २ का पदमा अर्याल, क्षेत्र नं. ३ का ढाकाराम अर्याल लगायतले शान्ति र संविधानका लागि नेकपा एमालेले खेलेको भुमिका लगायतका विषयमा बोल्दै पार्टि भित्र गुटबन्दी देखिनु दुःखद भएको बताएका थिए ।

       नेकपा एमाले स्याङ्जाका अध्यक्ष चक्रबहादुर पराजुलीको अध्यक्षतामा सम्पन्न उदघाटन सत्रको संचालन सचिव पुण्य भुषालले गर्नुभएको थियो ।

      कार्यक्रममा नेकपा एमालेमा प्रवेश गरेका नव प्रवेशीहरुलाई स्वागत तथा सम्मान समेत गरीएको थियो ।

      आज बाट सुरु भएको बैठक भोलि सम्म चल्ने छ । कार्यक्रमको उदघाटन गर्न एमाले महासचिव इश्वर पोखरेल आउने भनिएपनि अन्तीम समयमा उहँको कार्यक्रम स्थगित भएपछि खगराज अधिकारीले उदघाटन गर्नुभएको हो ।

      प्रतिनिधि परिषद बैठकले जिल्ला अधिवेशनपछि जिल्लामा भएका कामहरुको अनुमोदन, आर्थिक प्रतिवेदन पारित तथा जिल्ला कमिटिलाई सुझाव दिने एमाले स्याङ्जाले जनाएको छ ।

एकिकृत सम्पति कर अबैज्ञानिक

प्रकाश डोटेल

स्याङ्जा–५, माघ ।

स्याङ्जाको पुतलीबजार नगरपालिकाले आर्थिक वर्ष ०६३/०६४ बाट नगरबासिसँग उठाउँदै आएको एकिकृत सम्पत्ति कर अबैज्ञानिक तबरबाट लागु गरिएको बताइएको छ ।

एकिकृत सम्पत्ति कर अबैज्ञानिक भएको भन्दै नेपाली काँग्रेस स्याङ्जाले नगरपालिकाको ध्यानाकर्षण गराएको छ । करिव ५ वर्षअघि देखि लागु गरिएको सम्पत्ति करमा १४ औं नगर परिषदबाट थप बृद्धि भएको थियो ।

विगतका वर्षहरुको तुलनामा चालु वर्षबाट करमा झण्डै पाँच सय प्रतिशत बृद्धि भएको छ । नेपाली काँग्रेस स्याङ्जाका सभापति कमलप्रसाद पंगेनीले भने, राजमार्गका आसपासमा रहेका जग्गाधनिहरुलाई सुहाउँदो भएपनि नगरपालिका क्षेत्र अन्र्तगतका विकटका वासिन्दालाई हालको कर धान्नै नसक्ने स्थितीमा छ ।

      नगरवासीले गुनासो गरेपछि नेपाली काँग्रेसले नगरपालिका कार्यालयमा गएर करलाई पुरानै दरमा लैजान आग्रह गरेको हो । कर बृद्धिको निर्णय फिर्ता नलिएमा काँग्रेसले आन्दोलनमा उत्रने समेत चेतावनी दिएको छ  ।

      १४ औं परिषदबाट पारित भएर लागु भएको करलाई फिर्ता गर्न नसकिने नगरपालिकाका कार्यकारी अधिकृत प्रमुख हरिराम पाण्डेले बताए । आर्थिक बर्षको मध्यभागमा आएर निर्णय फिर्ता लिन नसक्ने बताउदै अधिकृत पाण्डेले करको समस्या संयन्त्रको बैठकमा छलफलका लागि लैजाने बताए ।

      कर बृद्धिको निर्णय फिर्ता गराउनमा हाम्रो कुनै स्वार्थ छैन् । नेपाली काँग्रेस स्याङ्जाका महासमिति सदस्य राजु थापाले भने, नगरबासिले भारी करलाई थेग्न नसकेपछि फिर्ता लिन आग्रह गरेका हौ । फिर्ता नलिए नगरबासिको सहभागितामा आन्दोलनमा उत्रन्छौं ।

                      

मुक्तिनाथ बैंक साढे तीन करोड नाफामा

प्रकाश डोटेल

स्याङ्जा–५, माघ ।

२०६३ सालमा जिल्लामा पहिलो विकास बैंकका रुपमा स्थापित मुक्तिनाथ विकास बैंकले आर्थिक वर्ष २०६७/०६८ को पहिलो छ महिनामा तीन करोड ५० लाख मुनाफा आर्जन गर्न सफल भएको छ ।

  बैंकले चालु आर्थिक वर्षको पहिलो छ महिनामा एक अरब ५८ करोड निक्षेप संकलन गर्दै एक अरब ४३ करोड कर्जा लगानी गरेर उक्त मुनाफा आर्जन गरेको हो । कुल लगानीको ३५ प्रतिशत रकम लघुवित्त क्षेत्रमा लगानी रहेको बैंकले बताएको छ ।

 स्याङ्जा, कास्की र तनहुँमा गरि तीन जिल्लामा बैंकिङ्ग कारोबार संचालन गर्दै आएको बैंकले केहि समयभित्रमा थप जिल्लामा कारोबार विस्तार गर्ने प्रमुख कार्यकारी अधिकृत भरतराज ढकालले बताएका छन् ।

 बैंकले सात करोड बराबरको सर्वसाधारण शेयर निस्कासन गर्न एस क्यापिटल लिमिटेडसँग सम्झौता गरि धितोपत्र बोर्डमा दर्ता समेत गरेको बताएको छ । १३ करोड चुक्ता पुँजी रहेको बैंकको जारी पुँजी २० करोड र अधिकृत पुँजी एक अरब रहेको छ

कृषकको आय न्युनतम १० हजार बृद्धि गर्ने लक्ष्य

लेखक/सम्बाद दाता 

लोकनाथ मरासिनी

माघ  ४, स्याङ्जा ।

न्युन आय स्तर भएका कृषकहरुका लागि तरकारी खेतिको माध्यमबाट २ वर्षको अवधिमा न्युनतम १० हजारका दरले अया स्तरमा बृद्धि गर्ने उद्धेश्यका साथ साना कृषकको बजार पहुच कार्यक्रमले आफ्नो योजना सार्वजनिक गरेको छ ।

जिल्लाका ग्रमिणभेगहरुमा रहेका कृषकहरुका लागि लक्षीत गर्दै स्याङ्जामा आगमि २ वर्षका लागि लागु भएको सो कार्यक्रमले अन्य कार्यक्रमहरु पुग्न नसकेको ठाउँमा पुगि कृषकलाई सेवा प्रदान गर्ने जानकारी गराएको हो ।

   स्याङ्जा सदरमुकाममा मंगलबार एक कार्यक्रमको अयोजना गरी जिल्लाका अन्य विभिन्न सरकारी तथा गैर सरकारी संघ संस्थाहरुसँगको समन्वयमा कार्यक्रमलाई प्रभावकारी बनाउने जानकारी दिएको हो ।

   बेलायतको अन्तराष्ट्रिय विकास विभागको आर्थिक सहयोगमा देशका विभिन्न १६ जिल्लाहरुमा संचालन भएको कार्यक्रम मध्य स्याङ्जामा पनि यस्तो कार्यक्रम लागुभएको हो ।

   जिल्लाका २ हजार २ सय घरधुरी साना कृषकहरुलाई उन्नत प्रविधिबाट बढि मुल्य पर्ने तरकारी वालिहरुको उत्पादन, उचित बजार व्यवस्थापन गरी बेमौसमी तरकारी खेतीको माध्यमबाट कृषकहरुको अम्दानि बृद्धि गर्ने संस्थाले जनाएको छ ।

      कार्यक्रम जिल्लाका पुतलिबजार, ठुलाडिहि, बहाकोट, पौवौगौडे, टक्सार, आरुचौर, रापाकोट, केउरेभञ्ज्याङ्, मल्याङ्कोट, शेखाम, चिन्नेवास, फेदीखोला, आरुखर्क, दहथुम, ढापुकमा लागु हुने कार्यक्रम अधिकृत कल्पना धितालले जानकारी दिनुभयो ।

   कार्यक्रममा बोल्दै बरिष्ठ कृषि विकास अधिकृत चेतनाथ अधिकारीले कृषि र कृषकका हक हितका पक्षमा हुने सम्पुर्ण कार्यक्रमहरुमा आफ्नो साथ र सहयोग रहिरहने प्रतिबद्धता व्यक्त गर्नुभएको थियो ।

   जिल्ला डिभिजन सहकारी कार्यलयका प्रमुख कृष्णप्रसाद पौडेल, कार्यक्रम क्षेत्रिय संयोजक वेदकुमार श्रेष्ठ लागायतले बोल्नुभएको थियो ।

   जिल्ला स्थीत विभिन्न राजनितिक दलका प्रतिनिधि, संघ संस्था तथा सरकारी कार्यलयका प्रमुखहरुको सहभागिता रहेको सो गोष्ठिमा कृषकहरुले उत्पादन गरेको तरकारीको बजारको र मुल्यको ग्यारेन्टी नहुनु कृषकका लागि दुखद पक्ष भएको भन्दै कार्यक्रमले त्यस तर्फ पनि सोच्नुपर्नेमा सहभागिहरुले जोड दिएका थिए ।

   संस्थाका अध्यक्ष हरिप्रसाद सुवेदीको अध्यक्षतामा सम्पन्न कार्यक्रममा कार्यक्रम अधिकृत कल्पाना धितालले कार्यक्रमका बारेमा जानकारी प्रस्तुत गर्नुभएको थियो ।

  आधिखोला कृषि उपज बजार तथा सुचना केन्द्रका सचिव ढुण्डीराज न्यौपानेले स्वागत मन्तव्य राख्नुभएको कार्यक्रममा सदस्य हरीकुमारी गौतमले संस्थाको पृष्ठभुमि र विगतमा गरेको कार्यको जानकारी प्रस्तुत गर्नुभएको थियो  भने संचालन संस्थाका ऋषि पौडेलले गर्नुभएको थियो ।