शहिद दिवस औपचारीकता मात्रै
२० जनाको सहभागिता भएको कार्यक्रमको ५ जनाद्धारा उदघाटन
लोकनाथ मरासिनी
माघ १६, स्याङ्जा ।
प्रजातन्त्र र देशका लागि ज्यान अर्पण गर्ने शहिदहरुको संझनामा स्याङ्जामा नेपाल पत्रकार महासंघ तथा बार एशोसियशनको संयुक्त अयोजनामा भएको कार्यक्रममा अत्यान्तै न्युन व्यक्तिको मात्रै सहभागिता देखिएको छ ।
सारा नेपालिको मुत्तिका लागि लडेका सहिदहरुको नाममा संचालित भनिएको दबाबमुलक ¥यालि तथा सभा औपचारीकतामा मात्रै सिमित भएको हो ।
जिल्लामा रहेका २ दर्जन पत्रकारहरुको प्रतिनिधित्व गर्ने संस्था नेपाल पत्रकार महासंघ स्याङ्जाका तर्फबाट अध्यक्ष सहित दुई जना तथा बार एशोसियसनका पदाधिकारी तथा केहि अन्य संघ संस्थाका प्रतिनिधि गरी २० जनाको मात्रै सहभागितामा कार्यक्रम सम्पन्न भएको छ ।
जिल्ला अदातल स्याङ्जाको प्रङ्गडमा सम्पन्न शान्ति र संविधानका लागि दवाव स्वरुप भनिएको कार्यक्रमको उदघाटन भने संयुक्त रुपमा ५ जनाले गरेका थिए ।
२० जनाको सहभागिता रहेको कार्यक्रमको उदघाटन नेपाल पत्रकार महासंघ स्याङ्जा शाखाका अध्यक्ष ओमप्रकाश शर्मा, प्रध्यापक संघका शंकर लामिछाने, शिक्षक संघका सचिव वेदप्रसाद दोरङ्गा, मानवअधिकारबादि दुर्गानारायण ढकाल र नेपाल रेडक्रस सोसाइटि स्याङ्जाका मन्त्रि विष्णु काफ्लले १÷१ ओटा मैनबत्ति बालि गर्नुभएको हो ।
सदरमुकाम स्याङ्जामा यि दुई संस्थाले केन्द्रिय कार्यक्रम अनुसार सहिद दिवसको औपचरीकता पुरा गरेपनि अन्य पार्टि तथा सरकारको तर्फबाट भने कुनै पनि कार्यक्रम अयोजना गरीएका छैनन् ।
नेपाल बार एशोसियसन स्याङ्जाका अध्यक्ष पोमनारायण आर्यालको सभापतित्वमा सम्पन्न कार्यक्रममा धन्यवाद ज्ञापन पुर्व अध्यक्ष युगनारायण श्रेष्ठले स्वागत उपाध्यक्ष नारायणप्रसाद रेग्मीले गर्नुभएको थियो भने संचालन सचीव विष्णुप्रसाद उपाध्यायले गर्नुभएको थियो ।
No comments:
Post a Comment