आफ्नो गाउँ आफैं बनाऔं' नाराका साथ थुमपोखराबासी पुस्तकालय सञ्चालन अभियानमा लागेका छन् । गाउँको शैक्षिक स्तर सुधार्ने उद्देश्यले यतातिर लागेको उनीहरूले बताए ।
स्थानीय सर्वोदय जनसेवा युवा क्लब अगुवाइमा समाजका सबै वर्गको भेलाले पुस्तकालय सञ्चालनका लागि आवश्यक सामान जुटाउने निर्णय गरेको छ । यसका लागि अशोक गैरेको संयोजकत्वमा ५ सदस्यीय कार्यसमिति र ३३ सदस्यीय व्यवस्थापन उपसमितिसमेत गठन गरेको छ ।
गाउँका युवाशक्ति विदेश पलायन भइरहेका अवस्थामा बालबालिकाको शैक्षिक स्तर खस्केको उनीहरूको निष्कर्ष छ । फुर्सदको समयमा युवा र विद्यार्थी गलत काममा लाग्न नदिन पुस्तकालयले सहयोग गर्नेछ । पढ्ने बानीको विकास गर्नका लागि आफूहरू यतातिर लागेको क्लबका अध्यक्ष विनिता गैरेले बताइन्
No comments:
Post a Comment