स्यांग्जा मा महिला सशक्तिकरण !

फेदीखोलास्थित सिद्धार्थ उच्च माध्यमिक विद्यालय व्यवस्थापन समितिमा सबै पदाधिकारी महिला चयन भएका छन् । महिलामा पनि नेतृत्वदायी क्षमता हुन्छ भन्दै अभिभावकहरूको भेलाले सबै पद महिलालाई नेतृत्व सुम्पेको हो । विद्यालयमा लामो समयदेखि कायम रहेको व्यवस्थापन समिति गठनको विवाद  महिलाहरूलाई नेतृत्व दिएपछि मिलेको छ । फेदीखोला २ मा रहेको उक्त उच्चमाविमा राजनीतिक र सामाजिक कारणले गत पुसदेखि समिति गठन अवरुद्ध हुँदै आएको थियो । अभिभावकहरूको भेलाले मायादेवी गौतमको अध्यक्षतामा समिति गठन गरेको छ । जसको सदस्यमा लोकमाया पौडेल, विन्दु केसी र देवी पौडेल छन् ।