मुक्तिनाथ कास्कीको नयाँपुलमा

प्रकाश डोटेल स्याङ्जा–१४, माघ

पोखराको पृथ्वीचोकमा प्रधान कार्यालय रहेको मुक्तिनाथ विकास बैंकले जनता बैंकमा होईन्, बैंक जनतामा जानुपर्छ भन्ने नाराका साथ कास्कीको सल्यान गाविस स्थित नयाँपुलमा आफ्नो ३५ औं शाखा स्थापना गरेको छ । बैंकले हाल स्याङ्जा, कास्की र तनहुँमा आफ्नो बैंकिङ् कारोबार संचालन गर्दै आएको छ । बैंकका प्रमुख कार्यकारी अधिकृत भरतराज ढकालले दिएको जानकारी अनुशार निकट भविश्यमै ७ करोड बराबरको सर्वसाधारण शेयर निश्कासनको लागि बैंकले तयारी गरेको छ ।
शाखाको उद्घाटन गर्दै बैंकका अध्यक्ष खगेन्द्रराज रेग्मीले आधुनिक समयमा बैंकहरुले आफ्नो लगानीलाई गाउँ केन्द्रित गर्नुपर्नेमा जोड दिए । त्यस अवसरमा बैंकका संचालक समितिका सदस्य मिनप्रसाद गुरुङ् लगाएतका वक्ताहरुले बोलेका थिए ।