कैदीको स्वास्थ्य परीक्षण

 - नेपाल रेडक्रस सोसाईटी जिल्ला शाखाले ४८ औ रेडक्रस दिवसको अवसर पारेर जिल्लामा विभिन्न कार्यक्रम संपन्न गरको छ । उक्त अवसरमा जिल्लाका कारागारका ४५ जना कैदीको स्वास्थ परीक्षण गरेको छ । स्वास्थ्य परीक्षणपछि ३० जनालाई एचआईभी परामर्श र २८ जनाको रक्त परीक्षण गरीएको जिल्ला रेडक्रस सोसाईटी सामुदायिक सेवाकेन्द्रका परामर्शदाता नन्दलाल ढकालले बताए ।  २८ जना मध्ये ९ जनालाई यौनरोगको उपचार गरीएको थियो ।

कैदीलाई प्रमुख जिल्ला अधिकारी जिवन वली र रेडक्रसका उपसभापति दिपक लम्सालले नुहाउँने र लुगा धुने सावुन वितरण गरेका थिए  । प्रमुख जिल्ला अधिकारीको आग्रहमा जिविसले कैदीलाई क्यारेम्बोर्ड  र रेडक्रसले त्रिपाल दिने भएको छ । कारागारमा रहेको त्रिपाल पुरानो भएर पानि चुहिदै आएको थियो ।