म आउछु ढुक्क हुनुहोस

 आमा अब ढुक्क हुनुहोस, तपाई सुत्केरि हुदा बा ले हलो जोतेर ल्याएको दुईमाना चामल सुत्केरि खर्च नरपिचासहरुले खोसेर खाईदिदा तपाई रातभर भोको पेट बस्नुपरेको कुराले न्याय पाउछ ! ठुलि भाउजुलाई भन्दिनुस कोखको बच्चाले बाउ नचिन्दै थालमा भात मुछेर खादै गरेको आधा भाग नस्क्दै दाईलाई लगेर सिउदो पुछिदिने पापिहरुले सजाए पाउछन् । दिदि लाई खुसि हुन भन्नुस अब भिनाजुलाई रुखमा झुन्ड्याएर ढुङ्गाले हानेकाहरुलाई जनताले झापड हानेका छन् । डेकेन्द्र दाईलाई ज्युदै गाड्नेहरुलाई अब माटो माथि मुख देखाउन लाज हुन लाएको छ ! कान्छो भाईले अब मैलेझै दुई आनाको निम्ति परदेशको भुमिमा रगत र पसिना पोख्नु पर्दैन ! बहिनिले भारत र अरब पुगेर अस्मिताको बाजि लगाउनु पर्दैन ! अब देशले नयाँ मुहार फेर्नेछ ! उषामा नयाँ लाली चम्किनेछ ! मेरो देशमा म यो देशको नागरिक हु भनेर गर्बका साथ भन्न पाउनेछु । अब म मेरै देशमा पसिनाको मुल्य पाउछु त्यसैले म आउछु म मेरै देश मा आउछु । हिजो मलाई बन्दुकको नालमुनि घुडा टेक्न लाउने जङ्गली हरुलाई मेरो बिचारले हराउने सामर्थ्य लिएर आउछु ! नयाँ ईतिहाँस लेख्ने कलम लिएर आउछु । आमा अब ढुक्क हुनुहोस ! म आउछु ढुक्क हुनुहोस

-परदेशी छोरा