by Lokendra Marasini
वालिङबाट पर्वतको हुवासतर्फ जाँदै गरेको लु१ज ९७९ नम्बरको जिप शनिबार स्याङ्जाको थुमपोखरा-८ स्थित मैनीखोलामा दुर्घटनाग्रस्त हुँदा एकजनाको घटनास्थलमै मृत्यु भएको छ भने तीनजना घाइते भएका छन् ।
वडा प्रहरी कार्यालय वालिङका प्रहरी सहायक निरीक्षक शिव खत्रीका अनुसार मृत्यु हुनेको हालसम्म सनाखत हुन सकेको छैन ।
त्यस्तै गम्भीर घाइतेहरुमा जिपका चालक वर्ष २२ का युवराज, डुम्रे वर्ष २१ का सहचालक दीपक ठकुरी र पुतलीबजार नगरपालिका-३ का ४५ वर्षीय खेमराज शर्मा रहेका छन् ।
घाइतेहरुलाई थप उपचारका लागि पश्चिमाञ्चल क्षेत्रीय अस्पताल पोखरा लगिएको प्रहरीले जनाएको छ । मृतक करिब ३५\४० वर्षका पुरुष रहेको प्रहरीले बताएको छ ।
सडकमा जिपको स्टेरिङ फेल हुन गई दुर्घटना भएको र जिप सडकबाट करिब ४०० मिटर तल खसेको छ ।
dukhad gatna
ReplyDelete