एमाले निकटको दलित भातृ संगठन मुक्ति समाजको २३ औ स्थापना दिवस

 Lok Nath Marasini
नेकपा एमाले निकटको दलित भातृ संगठन मुक्ति समाजको २३ औ स्थापना दिवस अजा स्याङ्जा सदरमुकाममा एक कार्यक्रमको आयोजना गरी मनाइएको छ । मदन आश्रित स्मृति भवन स्याङ्जाको सभाहलमा कार्यक्रम सम्पन्न भएको हो । सम्पन्न कार्यक्रममा अब बन्ने नयँ संविधानमा दलितका हक अधिकारका विषयमा स्पष्ट उल्लेख गर्न सबै हक हुनुको विकल्प नभएको बत्ताहरुले जोड दिएका थिए । मुक्ति समाज नेपालका केन्द्रिय उपाध्यक्ष टेकु नेपाली, एमाले स्याङ्जाका उपसचिव सुधिर पौडेल, एमाले स्याङ्जा सचिवालय सदस्य सिता सुन्दास, जमानसिंह नेपाली लगायतले बोल्नुभएको थियो । मुक्ति समाज स्याङ्जाका अध्यक्ष खडकबहादुर नेपालीको अध्यक्षतामा सम्पन्न कार्यक्रममा स्वागत मन्तव्य उपाध्यक्ष धनमाया विकले गर्नुभएको थियो भने संचालन सदस्य मोहन गहतराजले गर्नुभएको थियो ।